పాకిస్థాన్‌లోని బలూచిస్థాన్‌లో ఉన్న ప్రపంచ ప్రసిద్ధ ‘రెకో డిక్’ బంగారం మరియు రాగి గనుల నుంచి ఖనిజాలను వెలికితీసేందుకు ట్రంప్ ప్రభుత్వం సిద్ధమైంది. ఇందుకోసం సుమారు 130 కోట్ల అమెరికన్ డాలర్ల భారీ పెట్టుబడి పెట్టనున్నట్లు సమాచారం. ప్రపంచవ్యాప్తంగా అరుదైన ఖనిజాల సరఫరాను పెంచే లక్ష్యంతో అమెరికా తాజాగా ‘ప్రాజెక్ట్ వాల్ట్’ అనే కొత్త పథకాన్ని ప్రారంభించింది.

ఆఫ్ఘన్ సరిహద్దు సమీపంలో ఉన్న ఈ గనుల విషయంలో బలూచ్ తిరుగుబాటుదారులు తీవ్ర నిరసన వ్యక్తం చేస్తున్నారు. లాభాల కోసం ఇస్లామాబాద్ తమ వనరులను విదేశాలకు విక్రయిస్తోందని వారు ఆరోపిస్తున్నారు. ఈ ఉద్రిక్త పరిస్థితుల నడుమ, అమెరికా చేపట్టిన ఈ వాణిజ్య వ్యూహం ఇప్పుడు అంతర్జాతీయ స్థాయిలో చర్చనీయాంశంగా మారింది.