శీతాకాలంలో మార్కెట్లోకి వచ్చే రంగురంగుల పండ్లలో ఫార్మలిన్ వంటి ప్రమాదకర రసాయనాలు కలిపి ఉండే అవకాశం ఉంది. పండ్లు ఎక్కువ కాలం తాజాగా కనిపించడానికి కొందరు వ్యాపారులు ఈ విషపూరిత కెమికల్స్‌ను ఉపయోగిస్తారు. అయితే నిపుణుల సూచనల ప్రకారం చిన్నపాటి జాగ్రత్తలతో ఈ ముప్పు నుండి సులభంగా తప్పించుకోవచ్చు.

వెనిగర్ కలిపిన నీటిలో పండ్లను 15 నిమిషాల పాటు నానబెట్టడం ద్వారా 100 శాతం వరకు ఫార్మలిన్‌ను తొలగించవచ్చని పరిశోధనలు చెబుతున్నాయి. వెనిగర్ అందుబాటులో లేకపోతే ఉప్పు నీటిని కూడా వాడవచ్చు. అదేవిధంగా చేపలలోని రసాయనాలను తొలగించడానికి ఉప్పు నీరు లేదా బియ్యం కడిగిన నీటిని ఉపయోగించడం ద్వారా 70 నుండి 90 శాతం వరకు విష ప్రభావాన్ని తగ్గించవచ్చు.