థాయ్‌లాండ్‌లో పలువురు బౌద్ధ సన్యాసులతో లైంగిక సంబంధాలు పెట్టుకుని, వారిని బ్లాక్‌మెయిల్ చేసి దాదాపు 100 కోట్ల రూపాయలు వసూలు చేసిన ఆరోపణలతో ఒక మహిళను అరెస్టు చేశారు. విలవాన్ అమ్సావాద్ అనే ఈ మహిళ బ్యాంకాక్‌లో పట్టుబడింది. సీనియర్ సన్యాసులను ఉద్దేశపూర్వకంగా లక్ష్యంగా చేసుకుని, వారితో సంబంధాలు ఏర్పరచుకున్న తర్వాత భారీ మొత్తంలో డబ్బు వసూలు చేసినట్లు పోలీసులు తెలిపారు.

ఈ సంఘటనకు సంబంధించి కనీసం తొమ్మిది మంది బౌద్ధ సన్యాసులను వారి పదవుల నుండి తొలగించారు. గత మూడు సంవత్సరాలలో విలవాన్ బ్యాంక్ ఖాతాలకు సుమారు $1.19 మిలియన్ డాలర్లు వచ్చినట్లు పోలీసుల దర్యాప్తులో తేలింది, ఇందులో ఎక్కువ భాగం ఆన్‌లైన్ జూదానికి ఖర్చయింది. ఈ కేసులో విచారణ కొనసాగుతోంది.