ఉత్తరప్రదేశ్‌లోని అలీగఢ్‌లో 11 ఏళ్ల క్రితం జరిగిన ఒక ఘోర హత్య కేసులో కోర్టు కీలక తీర్పు వెల్లడించింది. తన ప్రియుడితో కలిసి భర్తను కిరాతకంగా చంపినందుకు గాను నిందితురాలు లతేష్ మరియు ఆమె ప్రియుడు సందీప్‌లకు కోర్టు జీవిత ఖైదు విధించింది. ఈ కేసులో మృతుడి తొమ్మిదేళ్ల కుమారుడు ఇచ్చిన సాక్ష్యం నిందితులకు శిక్ష పడటంలో అత్యంత కీలక పాత్ర పోషించింది.

2014లో ఆస్తి మరియు అక్రమ సంబంధం కారణంగా రవీంద్ర అనే వ్యక్తిని అతని భార్య గొంతు కోసి చంపింది. తన తండ్రిని తల్లి మరియు ఆమె ప్రియుడు ఎలా కొట్టి చంపారో ఆ చిన్నారి కోర్టులో కళ్ళకు కట్టినట్లు వివరించాడు. బాలుడి సాక్ష్యాన్ని పరిగణనలోకి తీసుకున్న న్యాయస్థానం, నిందితులకు చెరో 35 వేల రూపాయల జరిమానాతో పాటు మరణాంతం వరకు జైలు శిక్ష విధిస్తూ తీర్పునిచ్చింది.