టీమ్ ఇండియా హెడ్ కోచ్ గౌతమ్ గంభీర్ పనితీరుపై భారత మాజీ కెప్టెన్ కపిల్ దేవ్ ఆసక్తికర వ్యాఖ్యలు చేశారు. అంతర్జాతీయ స్థాయిలో గంభీర్ పాత్ర కోచ్‌గా కంటే మేనేజర్‌గా మాత్రమే ఉందని ఆయన అభిప్రాయపడ్డారు. ఒక ప్రధాన కోచ్ అంతర్జాతీయ స్థాయి ఆటగాళ్లకు లెగ్ స్పిన్ లేదా వికెట్ కీపింగ్ మెళకువలు నేర్పించలేరని, అలాంటి పనులు స్కూల్ లేదా కాలేజీ స్థాయి కోచ్‌లు చేస్తారని కపిల్ దేవ్ స్పష్టం చేశారు.

సాంకేతికత కంటే మేనేజ్‌మెంట్ మరియు ఆటగాళ్లలో ఆత్మవిశ్వాసం నింపడమే ముఖ్యమని కపిల్ పేర్కొన్నారు. ఫామ్‌లో ఉన్న ఆటగాళ్ల కంటే, ఇబ్బంది పడుతున్న క్రీడాకారులకు అండగా నిలవడమే నిజమైన కోచ్ బాధ్యతని ఆయన వివరించారు. జట్టులో సరైన వాతావరణాన్ని సృష్టించి, ఆటగాళ్ల మానసిక ధైర్యాన్ని పెంచడమే గంభీర్ చేయాల్సిన అసలు పని అని కపిల్ దేవ్ సూచించారు.