தமிழக சட்டமன்றத் தேர்தலில் அதிமுகவின் வெற்றி வாய்ப்பை உறுதி செய்ய பொதுச்செயலாளர் எடப்பாடி பழனிசாமி புதிய யுக்தியை கையாண்டு வருகிறார். மாவட்டச் செயலாளர்களின் பரிந்துரைகளைத் தவிர்த்து, உளவுத்துறையின் முன்னாள் உயரதிகாரி தலைமையிலான குழு நடத்திய ரகசிய ஆய்வின் அடிப்படையில் 160 தொகுதிகளுக்கான வேட்பாளர்களை அவர் தற்போது இறுதி செய்துள்ளதாகத் தகவல்கள் வெளியாகியுள்ளன.

கடந்த தேர்தல்களின் அனுபவங்களைக் கொண்டு, உள்ளடி அரசியலைத் தவிர்க்க வேட்பாளர் தேர்வை எடப்பாடி பழனிசாமி தனது நேரடி கண்காணிப்பில் கொண்டு வந்துள்ளார். சமூக சமநிலை மற்றும் தனிப்பட்ட செல்வாக்குள்ள இளைஞர்களுக்கு முன்னுரிமை அளிக்கும் இந்த நடவடிக்கை, மூத்த நிர்வாகிகளிடையே சலசலப்பை ஏற்படுத்தினாலும், அதிமுகவில் ஒரு புதிய அரசியல் கலாச்சாரத்தை உருவாக்கியுள்ளது.