மேற்காசியாவில் நிலவும் போர் பதற்றம் காரணமாக இந்திய விமான நிறுவனங்கள் கடும் நெருக்கடியைச் சந்தித்து வருகின்றன. பாகிஸ்தான் மற்றும் ஈரான் வான்வெளிகள் தடை செய்யப்பட்டுள்ளதால், சர்வதேச விமானங்களின் பயண நேரம் மற்றும் எரிபொருள் செலவு அதிகரித்துள்ளது. கடந்த பத்து நாட்களில் திட்டமிடப்பட்ட விமானங்களில் 64 சதவீதம் பாதிக்கப்பட்டுள்ளதால் நிறுவனங்களின் லாபம் குறைந்து வருகிறது.

மாற்றுப் பாதைகளைப் பயன்படுத்துவதால் பயண நேரம் இரண்டு மணி நேரம் வரை நீடிக்கிறது. இதனால் டெல்லியில் இருந்து நியூயார்க் மற்றும் மான்செஸ்டர் செல்லும் விமானங்கள் பெரும் சிரமத்திற்கு உள்ளாகின்றன. இந்த போர் சூழல் நீடித்தால், சர்வதேச சந்தையில் இந்திய விமான நிறுவனங்கள் கடும் போட்டியை எதிர்கொள்ள வேண்டியிருக்கும் என நிபுணர்கள் எச்சரிக்கின்றனர்.