நேபாள அணிக்கு எதிரான விறுவிறுப்பான போட்டியில், இங்கிலாந்து பயிற்சியாளர் பிரெண்டன் மெக்கல்லம் வாக்கி-டாக்கியைப் பயன்படுத்தியது கிரிக்கெட் உலகில் பெரும் விவாதத்தைக் கிளப்பியுள்ளது. இக்கட்டான சூழலில் மெக்கல்லம் யாருக்கு கட்டளைகளைப் பிறப்பித்துக் கொண்டிருந்தார் என்ற கேள்வி எழுந்த நிலையில், ஜோஸ் பட்லர் இதற்கு முற்றுப்புள்ளி வைத்துள்ளார்.

கேப்டன் ஹாரி ப்ரூக்கிற்கு தேவையான வியூகங்களை சப்போர்ட் ஸ்டாஃப் மூலம் கொண்டு சேர்க்கவே மெக்கல்லம் வாக்கி-டாக்கியைப் பயன்படுத்தியதாக பட்லர் தெளிவுபடுத்தியுள்ளார். மெக்கல்லத்தின் இந்தத் துல்லியமான திட்டமிடலே, இங்கிலாந்து அணி 4 ரன்கள் வித்தியாசத்தில் த்ரில் வெற்றி பெற முக்கிய காரணமாக அமைந்தது.

விதிமுறைகளை மீறிவிட்டதாகப் புகார்கள் எழுந்தாலும், மெக்கல்லம் கிரிக்கெட் சட்டங்களுக்கு உட்பட்டே செயல்பட்டுள்ளார். பயிற்சியாளர்கள் பெவிலியனில் இருந்து வீரர்களுக்குச் செய்தி அனுப்புவது வழக்கமான ஒன்றுதான்; அதைத் தொழில்நுட்பத்தின் உதவியுடன் மெக்கல்லம் செய்துள்ளார் அவ்வளவுதான். இக்கட்டான நேரத்திலும் பதற்றப்படாமல் அவர் எடுத்த இந்த வேகம் தான் இங்கிலாந்தை வெற்றியை நோக்கி அழைத்துச் சென்றது என பட்லர் பாராட்டியுள்ளார்.