ரயில் பயணத்தின் போது தரமான உணவு கிடைப்பதில் சிக்கல் உள்ளதா? பயணிகளின் இந்த கவலையைப் போக்க IRCTC தற்போது 25 ரயில்களில் இ-பான்ட்ரி (e-Pantry) சேவையை அறிமுகப்படுத்தியுள்ளது.

இனி கன்ஃபார்ம் அல்லது RAC டிக்கெட் வைத்திருக்கும் பயணிகள், டிக்கெட் முன்பதிவு செய்யும் போதே தங்களுக்குப் பிடித்தமான உணவுகளையும், சுத்திகரிக்கப்பட்ட குடிநீரையும் ஆன்லைனில் ஆர்டர் செய்யலாம். இதன் மூலம் உணவிற்காக அலைந்து திரிய வேண்டிய அவசியம் இனி இருக்காது.

டிஜிட்டல் சேவையின் சிறப்பம்சங்கள்:

• பணமில்லா பரிவர்த்தனை: டிஜிட்டல் முறையில் பணம் செலுத்துவதால் சில்லறை தட்டுப்பாடு போன்ற சிக்கல்கள் இருக்காது.
• பாதுகாப்பான விநியோகம்: உணவு முன்பதிவு செய்தவுடன் உங்கள் மொபைலுக்கு ஒரு பிரத்யேக சரிபார்ப்புக் குறியீடு (Verification Code) அனுப்பப்படும். அதை காண்பித்தால் ஊழியர்கள் உங்கள் இருக்கைக்கே உணவை கொண்டு வந்து வழங்குவார்கள்.
• தரமான உணவு: இந்த வெளிப்படையான நடைமுறை ரயிலில் வழங்கப்படும் உணவின் தரத்தை உறுதிப்படுத்துவதுடன், பயணத்தை மிகவும் வசதியானதாக மாற்றும்.

ரயில் பயணிகளில் உணவுத் தேவையை பூர்த்தி செய்ய இந்த புதிய முயற்சி பெரும் உதவியாக இருக்கும் என எதிர்பார்க்கப்படுகிறது.