செய்தி பிரிவு : சமூக வலைதளங்களில் லைக்குகளுக்காக மக்கள் எவ்வளவு தரம் தாழ்ந்து போவார்கள் என்பதற்கு இந்த வீடியோ ஒரு சான்று. தனது மாமனாரின் இறுதிச்சடங்கு நடக்கும் வேளையில், ஒரு பெண் துக்கத்தை மறந்து கேமராவின் முன்னால் ரீல்ஸ் செய்த சம்பவம் பெரும் அதிர்ச்சியை ஏற்படுத்தியுள்ளது. இத்தகைய செயல்கள் நம் சமூகத்தில் மனிதாபிமானமும், உணர்வுகளும் எந்த அளவிற்கு சிதைந்து வருகின்றன என்பதை காட்டுகிறது.

அந்த வீடியோவில், மாமனாரின் உடல் எடுத்துச் செல்லப்படும் போது, அந்தப் பெண் அழுதுகொண்டே மொபைலை எடுத்து வீடியோ எடுக்கிறார். சுற்றியுள்ள மற்ற பெண்களையும் கட்டாயப்படுத்தி தனது வீடியோவில் சேர்த்துக் கொள்கிறார். துக்கப்பட வேண்டிய நேரத்தில் இப்படி ஒரு கேவலமான விளம்பர மோகத்தை பார்த்த பொதுமக்கள் கடும் அதிருப்தி தெரிவித்துள்ளனர். தனிப்பட்ட சோகத்தை கூட வெறும் ‘கன்டென்ட்’ ஆக மாற்றும் இந்த போக்கு சமூகத்திற்கு மிகவும் ஆபத்தானது.

View this post on Instagram

A post shared by Nagarpalika Memes | Manik Thatai (@nagarpalika.memes_)