செய்தி பிரிவு : புற்றுநோய் மற்றும் நீரிழிவு போன்ற நோய்களுக்கான 17 உயிர்காக்கும் மருந்துகளின் விலையை குறைத்து பட்ஜெட்டில் மத்திய அரசு அதிரடி அறிவிப்பை வெளியிட்டுள்ளது. நவீன மருத்துவத்துடன் நமது பழங்கால ஆயுர்வேதத்தையும் இணைக்க அரசு முடிவு செய்துள்ளது. இதன் ஒரு பகுதியாக, எய்ம்ஸ் போன்ற உயர்தரமான மூன்று புதிய ஆயுர்வேத நிறுவனங்கள் நாட்டில் அமைக்கப்பட உள்ளன.

இந்த புதிய முயற்சியால் சாதாரண மக்களுக்கு குறைந்த செலவில் சிறந்த சிகிச்சை கிடைக்கும். ஐந்து புதிய மருத்துவ மையங்கள் உருவாக்கப்படுவதன் மூலம் நோயாளிகளுக்கு தங்கும் வசதியுடன் கூடிய நவீன சிகிச்சை உறுதி செய்யப்படும். மேலும், மூலிகை விவசாயம் மற்றும் மருந்து தயாரிப்பு துறையில் ஆயிரக்கணக்கான இளைஞர்களுக்கு புதிய வேலைவாய்ப்புகள் உருவாகும் வாய்ப்பு ஏற்பட்டுள்ளது.