சொந்தக் குழந்தையைத் தவிக்க விட்டுவிட்டு பிழைப்புக்காகத் தூர தேசம் செல்வது ஒரு தாய்க்கு எவ்வளவு கடினமானது? ஹைதராபாத்தைச் சேர்ந்த மானசா பானோத் என்ற தாய், தனது சிறுவயது மகளைப் பிரிந்து கனடா செல்லும் வீடியோ தற்போது சமூக வலைதளங்களில் நெஞ்சை உருக்கி வருகிறது. தனது குழந்தையைத் தனியாக வளர்த்து வரும் மானசா, மகளின் சிறந்த எதிர்காலத்திற்காக இந்த கடினமான முடிவை எடுத்துள்ளார்.

இந்த விபரீதப் பிரிவுக்குக் காரணம் வெறும் வேலை மட்டும் தானா? சட்டச் சிக்கல்கள் காரணமாகத் தனது கணவரின் அனுமதி கிடைக்காததால், மகளைத் தன்னுடன் அழைத்துச் செல்ல முடியாத சூழலில் மானசா உள்ளார். ஒருபுறம் சமூகத்தின் விமர்சனங்கள், மறுபுறம் குழந்தையின் வளமான வாழ்க்கைக்கான போராட்டம் என ஒரு தாயின் வலி நிறைந்த எதார்த்தத்தை இந்த வீடியோ வெளிச்சம் போட்டுக் காட்டுகிறது. கனவுகளுக்கும் பாசத்திற்கும் இடையே நடக்கும் இந்தப் போராட்டம் பலரையும் நெகிழ்ச்சியில் ஆழ்த்தியுள்ளது.