செய்தி பிரிவு : சாமானிய மக்களின் அன்றாட பட்ஜெட்டைப் பாதிக்கும் வகையில் எரிபொருள் விலையில் மாற்றம் வருமா என்ற கேள்வி எழுந்துள்ளது. இந்தியா இனி ரஷ்யாவிடமிருந்து கச்சா எண்ணெய் வாங்காது என்று பிரதமர் மோடி உறுதியளித்துள்ளதாக அமெரிக்க அதிபர் டொனால்ட் ட்ரம்ப் தெரிவித்துள்ளார். இதற்குப் பதிலாக இந்தியா மீதான இறக்குமதி வரியை அமெரிக்கா குறைப்பதாகக் கூறப்படுகிறது. ஆனால், ரஷ்யாவோ இது குறித்து இந்தியாவிடம் இருந்து தங்களுக்கு எந்தத் தகவலும் வரவில்லை என்று கூறியுள்ளது.

ரஷ்யாவிடமிருந்து இந்தியா மலிவு விலையில் எண்ணெய் பெறுவது நிறுத்தப்பட்டால், அது நாட்டின் பெட்ரோல் மற்றும் டீசல் விலையில் பெரும் தாக்கத்தை ஏற்படுத்தும். இது போக்குவரத்து மற்றும் அத்தியாவசியப் பொருட்களின் விலையை உயர்த்த வாய்ப்புள்ளது. இந்தியா இன்னும் அதிகாரப்பூர்வமாக எதையும் அறிவிக்கவில்லை என்றாலும், சர்வதேச தடைகள் இல்லாத நாடுகளிடம் தொடர்ந்து வர்த்தகம் செய்யவே இந்தியா விரும்புகிறது. வெனிசுலாவிடம் எண்ணெய் வாங்கும் திட்டம் சாமானியர்களுக்கு எந்த அளவுக்கு உதவும் என்பது இன்னும் தெளிவாகத் தெரியவில்லை.