கொல்கத்தாவின் பாட்டுலி பகுதியில் தனது காதலனுடன் தேநீர் அருந்தச் சென்ற இளம்பெண் நான்கு இளைஞர்களால் பாலியல் ரீதியாக துன்புறுத்தப்பட்டார். புதன்கிழமை இரவு பைபாஸ் சாலையில் உள்ள ஒரு தேநீர் கடையில் இந்த அநாகரீக சம்பவம் நடந்துள்ளது. அந்த இளைஞர்கள் ஆபாசமான கருத்துக்களைக் கூறியதுடன், தட்டிக்கேட்ட பெண்ணின் காதலனையும் தாக்கி கீழே தள்ளியுள்ளனர்.

பாதிக்கப்பட்ட பெண் தப்பிச் சென்றபோதும் அந்த கும்பல் அவர்களைப் பின்தொடர்ந்தது. அப்போது அங்கு வந்த போலீஸ் ரோந்து வாகனத்தின் உதவியுடன் நான்கு பேரும் மடக்கிப் பிடிக்கப்பட்டனர். இது தொடர்பாக நரேந்திரபூர் மற்றும் பெலேகாட்டா பகுதியைச் சேர்ந்த நான்கு இளைஞர்களை பாட்டுலி போலீசார் கைது செய்து விசாரணை நடத்தி வருகின்றனர்.