அமெரிக்காவின் புளோரிடாவில் விடுமுறையைக் கழிக்க சொகுசு கப்பலில் சென்ற 18 வயது மாணவி அனா மர்மமான முறையில் உயிரிழந்தார். தனது தந்தை மற்றும் இரண்டு மாற்றான் சகோதரர்களுடன் சென்ற அவர் திடீரென மாயமான நிலையில், அறையில் இருந்த படுக்கைக்கு அடியில் ஒரு லைஃப் ஜாக்கெட் மூலம் சுற்றப்பட்ட நிலையில் அவரது உடல் கண்டெடுக்கப்பட்டது. அமெரிக்க கடற்படையில் சேர விரும்பிய ஒரு திறமையான பெண்ணின் வாழ்க்கை இவ்வளவு கொடூரமாக முடிவுக்கு வந்தது அனைவரையும் அதிர்ச்சியில் ஆழ்த்தியுள்ளது.

இந்த கொலையில் அனாவின் 16 வயது மாற்றான் சகோதரர் மீது காவல்துறையினர் சந்தேகம் கொண்டுள்ளனர். அந்த சிறுவன் அனா மீது தவறான எண்ணம் கொண்டிருந்ததாகவும், பலமுறை அவரிடம் அத்துமீற முயன்றதாகவும் கூறப்படுகிறது. எப்போதும் ஒரு பெரிய கத்தியை வைத்திருந்த அந்த சிறுவனால் அனா மிகுந்த அச்சத்தில் இருந்ததாக தெரிகிறது. விடுமுறையின் போது ஏற்பட்ட தகராறில் அந்த சிறுவனே அனாவை கொலை செய்து உடலை மறைத்து வைத்திருக்கலாம் என சந்தேகிக்கப்படுகிறது. இந்த சர்வதேச எல்லை தொடர்பான குற்றவழக்கு குறித்து விசாரணை தீவிரமாக நடைபெற்று வருகிறது.