2026 டி20 உலகக் கோப்பைக்குப் பிறகு இந்திய கிரிக்கெட் அணியில் அதிரடி மாற்றங்கள் நிகழும் என்று எதிர்பார்க்கப்படுகிறது. தற்போது கேப்டனாக இருக்கும் சூர்யகுமார் யாதவின் ஆட்டம் மற்றும் வயது காரணங்களால், அவருக்குப் பதில் ஹர்திக் பாண்டியாவை மீண்டும் கேப்டனாக்க பிசிசிஐ திட்டமிட்டுள்ளது. ஏற்கனவே ஷுப்மன் கில்லிடமிருந்து துணை கேப்டன் பதவி பறிக்கப்பட்டு, அக்சர் படேலிடம் ஒப்படைக்கப்பட்டுள்ளது குறிப்பிடத்தக்கது.

கௌதம் கம்பீர் பயிற்சியாளராக வந்த பிறகு சூர்யகுமார் வசம் தலைமைப் பொறுப்பு சென்றாலும், சமீபத்திய தோல்விகள் மற்றும் நிர்வாகத்துடனான கருத்து வேறுபாடுகளுக்கு மத்தியில் ஹர்திக் பாண்டியா முன்னிலை பெற்றுள்ளார். 16 போட்டிகளில் இந்திய அணியை வழிநடத்திய அனுபவம் கொண்ட ஹர்திக்கே அடுத்த டி20 கேப்டனாக வருவார் எனத் தெரிகிறது. இதன் மூலம் 2026 உலகக் கோப்பைக்குப் பின் இந்திய அணியில் புதிய சகாப்தம் தொடங்கும் என்று விளையாட்டு வட்டாரங்கள் தெரிவிக்கின்றன.