குஜராத் மாநிலம் மாண்டவி பகுதியில் பழங்குடியின இளம்பெண்ணை திருமண ஆசை காட்டி இரண்டு ஆண்டுகளாக பலாத்காரம் செய்ததாக மருத்துவர் அங்கித் சவுத்ரி கைது செய்யப்பட்டுள்ளார். பாதிக்கப்பட்ட பெண்ணை மதமாற்றம் செய்ததோடு, அவரது குடும்பத்தினரையும் மதம் மாற வற்புறுத்தியதாகக் கூறப்படுகிறது. இந்த சதித்திட்டத்திற்கு உடந்தையாக இருந்த மருத்துவரின் தந்தையும் அரசுப் பள்ளி தலைமை ஆசிரியருமான ராம்ஜி சவுத்ரியையும் போலீசார் கைது செய்துள்ளனர்.

தலைமை ஆசிரியர் ராம்ஜி ஒரு அறக்கட்டளை மூலம் மதமாற்ற நடவடிக்கைகளில் ஈடுபட்டு வந்தது விசாரணையில் தெரியவந்துள்ளது. இந்த விவகாரத்தில் வெளிநாட்டு நிதி ஏதேனும் கிடைத்துள்ளதா என்பது குறித்து போலீசார் தீவிர விசாரணை நடத்தி வருகின்றனர். மருத்துவர் அங்கித்திற்கு முன்ஜாமீன் வழங்கப்பட்டதற்கு இந்து அமைப்புகள் கடும் எதிர்ப்பு தெரிவித்துள்ள நிலையில், இந்த வழக்கு தற்போது உயர்மட்ட போலீஸ் விசாரணைக்கு மாற்றப்பட்டுள்ளது.