தனது உடல் எடையை குறைத்து காதலியின் பெற்றோரை கவர முயன்ற சீன இளைஞர் லி ஜியாங், தவறான முடிவால் உயிரை இழந்துள்ளார். 120 கிலோ எடை கொண்ட அவரை காதலிக்கு பிடித்திருந்தாலும், மெலிந்த மருமகனை எதிர்பார்க்கும் பெற்றோரின் நிபந்தனையால் அவர் இக்கட்டான சூழலுக்கு தள்ளப்பட்டார். திருமண தேதி நெருங்கியதால் உடற்பயிற்சிக்கு பதிலாக தனியார் கிளினிக் ஒன்றில் ‘கேஸ்ட்ரிக் பைபாஸ்’ அறுவை சிகிச்சையை அவர் தேர்வு செய்தார்.

அறுவை சிகிச்சைக்குப் பிறகு ஏற்பட்ட கடுமையான தொற்று மற்றும் முறையான கவனிப்பு இல்லாததால் அந்த இளைஞர் உயிரிழந்தார். இந்தச் சம்பவம் உலகம் முழுவதும் பெரும் அதிர்ச்சியை ஏற்படுத்தியுள்ளது. முறையான அங்கீகாரம் இல்லாத கிளினிக்குகள் மற்றும் அவசரமான உடல் மாற்ற முயற்சிகள் உயிருக்கே ஆபத்தாக முடியும் என்பதற்கு இந்த காதல் கதை ஒரு சோகமான உதாரணமாக மாறியுள்ளது.