ஆந்திர முதல்வர் சந்திரபாபு நாயுடு புதிய ஓய்வூதியங்கள் தொடர்பாக ஒரு மகிழ்ச்சியான செய்தியை வெளியிட்டுள்ளார். மாவட்ட ஆட்சியர்கள் மாநாட்டில், விதிமுறைகளில் உள்ள சிக்கல்களால் தகுதியுள்ள பலருக்கு ஓய்வூதியம் வழங்க முடிவதில்லை என்ற கோரிக்கை முன்வைக்கப்பட்டது. இதையடுத்து, புற்றுநோயாளிகள், நீண்டகால நோயாளிகள் மற்றும் மாற்றுத்திறனாளிகளுக்கு உதவும் வகையில், ஒவ்வொரு மாவட்டத்திற்கும் தலா 200 கூடுதல் ஓய்வூதியங்களை வழங்க முதல்வர் உடனடியாக அனுமதி அளித்துள்ளார்.

இந்த சிறப்பு ஓய்வூதியங்களை வழங்குவதில் மாவட்ட ஆட்சியர்கள் மற்றும் பொறுப்பு அமைச்சர்களுக்கு முழு அதிகாரம் வழங்கப்பட்டுள்ளது. இரு அதிகாரிகளும் இணைந்து கலந்துலோசித்து தகுதியான பயனாளிகளைத் தேர்வு செய்யலாம் என அறிவுறுத்தப்பட்டுள்ளது. அரசின் இந்த விரைவான நடவடிக்கை, மருத்துவ உதவி தேவைப்படும் நலிந்த பிரிவினருக்கு மிகப்பெரிய நிம்மதியை அளிப்பதோடு, நிர்வாக ரீதியிலான தடைகளையும் நீக்கியுள்ளது.