செய்தி பிரிவு : ஒரு கையில் ஸ்கூட்டரை ஓட்டியபடி, மறு கையில் தூங்கும் தன் மகளை விழாமல் தாங்கிப் பிடிக்கும் தந்தையின் வீடியோ தற்போது இணையத்தில் வைரலாகி வருகிறது. பரபரப்பான சாலைப் போக்குவரத்துக்கு இடையே ஒரு தந்தை தன் குழந்தைக்கு அளிக்கும் இந்த பாதுகாப்பு அரண், பொதுமக்களின் நெஞ்சங்களை நெகிழ வைத்துள்ளது. எந்த ஒரு ஆரவாரமும் இன்றி தந்தைக்கும் மகளுக்கும் இடையிலான இந்த ஆழமான பாசம் சாதாரண மனிதர்களின் உணர்வுகளைத் தட்டியெழுப்பியுள்ளது.

தந்தையின் அன்பு மௌனமானது ஆனால் மிகவும் வலிமையானது என்பதை இந்த காட்சி நமக்கு உணர்த்துகிறது. இந்த வீடியோவைப் பார்த்த பலரும், தந்தையர்கள் அமைதியான போராளிகள் என கருத்து தெரிவித்து வருகின்றனர். அன்றாட வாழ்க்கைப் போராட்டத்தில் தன் குழந்தையைப் பாதுகாக்க ஒரு தந்தை எடுக்கும் இந்த முயற்சி, ஒவ்வொரு குடும்பத்திலும் உள்ள அர்ப்பணிப்பை வெளிப்படுத்துகிறது. இந்த நெகிழ்ச்சியான காட்சி தற்போது சமூக வலைதளங்களில் பலரது பாராட்டுக்களையும் பெற்று வருகிறது.

View this post on Instagram

A post shared by Teyjas Jain | Reel Creator | Monovlog (@teyjas__)