ஐபிஎல் 2026 ஏலத்தில் ஆஸ்திரேலிய ஆல்-ரவுண்டர் கேமரூன் கிரீன் 25.20 கோடி ரூபாய்க்கு கொல்கத்தா நைட் ரைடர்ஸ் அணியால் வாங்கப்பட்டு புதிய வரலாறு படைத்துள்ளார். ஏலத்தின் போது இவரை எடுக்க ராஜஸ்தான் ராயல்ஸ் மற்றும் சென்னை சூப்பர் கிங்ஸ் அணிகளுக்கு இடையே கடும் போட்டி நிலவியது. இறுதியில் மிகப்பெரிய தொகையை செலவிட்டு ஷாருக்கானின் கேகேஆர் அணி இவரைத் தன்வசப்படுத்தியது.

சர்வதேச டி20 போட்டிகளில் 160-க்கும் அதிகமான ஸ்ட்ரைக் ரேட் கொண்டுள்ள கிரீன், பந்துவீச்சிலும் சிறந்து விளங்கக்கூடியவர். ஐபிஎல் தொடரில் ஏற்கனவே ஒரு சதம் விளாசி தனது திறமையை நிரூபித்துள்ள இவர், தற்போது இந்த தொடரின் விலையுயர்ந்த வெளிநாட்டு வீரர்களில் ஒருவராக மாறியுள்ளார். கிரீனின் வருகை கொல்கத்தா அணியின் பலத்தை பலமடங்கு உயர்த்தும் என எதிர்பார்க்கப்படுகிறது.