ஐபிஎல் தொடரின் 19-வது சீசனுக்கான முதற்கட்ட அட்டவணையை பிசிசிஐ வெளியிட்டுள்ளது. மார்ச் 28 அன்று பெங்களூருவில் நடைபெறும் தொடக்க ஆட்டத்தில் ஆர்சிபி மற்றும் சன்ரைசர்ஸ் ஹைதராபாத் அணிகள் மோதுகின்றன. கொல்கத்தா நைட் ரைடர்ஸ் தனது முதல் போட்டியை மார்ச் 29 அன்று மும்பை வான்கடே மைதானத்தில் மும்பை இந்தியன்ஸுடன் விளையாடுகிறது.

அதனைத் தொடர்ந்து ஈடன் கார்டனில் ஏப்ரல் 2, 6 மற்றும் 9 ஆகிய தேதிகளில் கேகேஆர் தனது சொந்த மண்ணில் விளையாடவுள்ளது. தற்போது ஏப்ரல் 12 வரை 20 போட்டிகளுக்கான அட்டவணை மட்டுமே அறிவிக்கப்பட்டுள்ளது. சட்டசபை தேர்தல் தேதிகளை கருத்தில் கொண்டு மீதமுள்ள போட்டிகளின் விவரங்கள் பின்னர் அறிவிக்கப்படும் என தெரிவிக்கப்பட்டுள்ளது.