தனியார் அல்லது அரசு நிறுவன ஊழியர்களுக்கு பிஎஃப் கணக்கை நிர்வகிக்க பன்னிரண்டு இலக்க யுஏஎன் எண் மிகவும் அவசியமானது. நீண்ட இடைவெளி அல்லது வேலை மாற்றத்தினால் பலர் இந்த எண்ணை மறந்துவிடுகின்றனர். இதனால் பிஎஃப் இருப்பைச் சரிபார்ப்பதிலோ அல்லது பணத்தை எடுப்பதிலோ சிக்கல்கள் ஏற்பட வாய்ப்புள்ளது.

இபிஎஃப்ஓ இணையதளத்தில் உங்கள் மொபைல் எண் மற்றும் ஆதார் விவரங்களை உள்ளிட்டு எளிதாக யுஏஎன் எண்ணைப் பெறலாம். இணைய வசதி இல்லாதவர்கள் பதிவு செய்யப்பட்ட மொபைல் எண்ணிலிருந்து குறுஞ்செய்தி அனுப்புவதன் மூலமும் இந்தத் தகவலைப் பெற முடியும். டிஜிட்டல் முறையிலான இந்த வசதி ஊழியர்களின் நேரத்தை மிச்சப்படுத்துகிறது.