மத்திய கிழக்கு போர் இரண்டாவது வாரத்தில் நுழைந்துள்ள நிலையில் ஈரான் மற்றும் அமெரிக்க-இஸ்ரேல் கூட்டணி இடையே கடுமையான கருத்து மோதல் வெடித்துள்ளது. ஈரானின் 75 சதவீத ஏவுகணை ஏவுதளங்கள் அழிக்கப்பட்டதாக அமெரிக்கா கூறுகிறது. இருப்பினும், இதனை மறுத்துள்ள ஈரான், ஏவுகணை தாக்குதல்கள் குறைக்கப்பட்டது தங்களின் புதிய போர் தந்திரம் என்று விளக்கியுள்ளது.

எதிர்காலத்தில் ஒரு டன் எடையுள்ள சக்திவாய்ந்த ஆயுதங்களைப் பயன்படுத்தப் போவதாக ஈரான் எச்சரித்துள்ளது. அமெரிக்க அதிபர் டொனால்ட் டிரம்ப் வெற்றி குறித்து முரண்பட்ட கருத்துக்களை தெரிவித்து வரும் நிலையில், அமெரிக்க ராணுவம் ஈரானில் மிகப்பெரிய தாக்குதல்களை நடத்தத் தயாராகி வருகிறது. இந்த மோதல் நீண்ட காலம் நீடிக்க வாய்ப்புள்ளதால் இரு நாடுகளும் தங்களின் ஆயுத பலத்தை தீவிரப்படுத்தி வருகின்றன.