ஈரான் மீது அமெரிக்கா மற்றும் இஸ்ரேல் மேற்கொண்டுள்ள தாக்குதலால் உலகளாவிய விநியோகச் சங்கிலி மற்றும் உற்பத்தித் துறை கடுமையாகப் பாதிக்கப்பட்டுள்ளதாக ரஷ்ய அதிபர் விளாடிமிர் புதின் கவலை தெரிவித்துள்ளார். இந்த மோதலை கொரோனா பெருந்தொற்றுடன் ஒப்பிட்ட அவர், இதன் விளைவுகளை யாராலும் துல்லியமாக கணிக்க முடியாது என்று எச்சரித்துள்ளார். மேற்கு ஆசியாவின் இந்த ஆயுதப் போராட்டம் சர்வதேச வர்த்தகத்தில் பெரும் முடக்கத்தை ஏற்படுத்தியுள்ளது.

குறிப்பாக உலோகம் மற்றும் உரம் போன்ற முக்கியத் துறைகள் இந்த மோதலால் பெரும் சரிவைச் சந்தித்துள்ளன. தற்போதைய யதார்த்த சூழலை எதிர்கொள்ள ரஷ்யா வலுவாகவும் ஒற்றுமையுடனும் இருக்க வேண்டும் என்று புதின் வலியுறுத்தியுள்ளார். உலகப் பொருளாதாரத்தில் ஏற்பட்டுள்ள இந்த இக்கட்டான நிலை நீடித்தால், அதன் பாதிப்புகள் இன்னும் மோசமடையக்கூடும் என்று அவர் சுட்டிக்காட்டியுள்ளார்.