நாடாளுமன்றத்தில் அரசு தாக்கல் செய்த தரவுகளின்படி கடந்த ஐந்து ஆண்டுகளில் ஐஏஎஸ் மற்றும் ஐஎஃப்எஸ் பணிகளை விட ஐபிஎஸ் பணியில் ஓபிசி, எஸ்சி மற்றும் எஸ்டி பிரிவைச் சேர்ந்தவர்கள் அதிகளவில் நியமிக்கப்பட்டுள்ளனர். 2020 முதல் 2024 வரை நேரடி ஆட்சேர்ப்பு மூலம் இந்த மூன்று சேவைகளிலும் சேர்த்து மொத்தம் 1,288 இடஒதுக்கீடு பிரிவு விண்ணப்பதாரர்கள் தேர்வு செய்யப்பட்டுள்ளனர்.

மறுபுறம் கடந்த மூன்று ஆண்டுகளில் யுபிஎஸ்சி அறிவிப்புகளில் பணியிடங்களின் எண்ணிக்கை குறைந்து வருவது குறிப்பிடத்தக்கது. ஜனவரி 2025 நிலவரப்படி நாட்டில் 1,300 ஐஏஎஸ் மற்றும் 505 ஐபிஎஸ் பணியிடங்கள் காலியாக உள்ளன. குறிப்பாக இந்திய வனப்பணியில் அதிகபட்சமாக 1,029 பணியிடங்கள் இன்னும் நிரப்பப்படாமல் உள்ளதாகத் தெரிவிக்கப்பட்டுள்ளது.