செய்திப் பிரிவு : பிரதமர் மோடி அதிகாரப்பூர்வமாக அறிவிக்கும் முன்பே, அமெரிக்க அதிபர் டிரம்ப் வர்த்தக ஒப்பந்தம் குறித்து அறிவித்தது இந்தியாவில் பெரும் விவாதத்தை ஏற்படுத்தியுள்ளது. இந்தியாவின் முக்கிய முடிவுகளை வாஷிங்டன் ஏன் அறிவிக்கிறது என்று எதிர்க்கட்சிகள் கேள்வி எழுப்பியுள்ளன. இந்திய பொருட்களுக்கான வரியை 18 சதவீதமாக அமெரிக்கா குறைத்துள்ளதால், டிரம்ப் இந்த அறிவிப்பை வெளியிட்டுள்ளதாக அமைச்சர் பியூஷ் கோயல் விளக்கம் அளித்துள்ளார். இது இந்திய ஏற்றுமதியாளர்களுக்கு சாதகமாக அமையும் என எதிர்பார்க்கப்படுகிறது.

இருப்பினும், அதானி விவகாரம் போன்ற சர்வதேச அழுத்தங்கள் காரணமாகவே இந்தியா இந்த ஒப்பந்தத்திற்கு அவசரமாக ஒப்புக்கொண்டதாக காங்கிரஸ் குற்றம் சாட்டியுள்ளது. சீனா மற்றும் பாகிஸ்தானை விட அமெரிக்க சந்தையில் இந்தியாவிற்கு அதிக முன்னுரிமை கிடைக்கும் என்று மத்திய அரசு உறுதியளித்துள்ளது. விரைவில் இரு நாடுகளும் இணைந்து இது குறித்த விரிவான அறிக்கையை வெளியிடும் என்று எதிர்பார்க்கப்படுகிறது.