செய்தி பிரிவு : அரபிக்கடலில் அமெரிக்காவின் பிரம்மாண்ட போர்க்கப்பலை குறிவைத்து ஈரான் ட்ரோன் தாக்குதல் நடத்தியுள்ளது பெரும் பரபரப்பை ஏற்படுத்தியுள்ளது. சர்வதேச கடல் பகுதியில் ‘யுஎஸ்எஸ் ஆபிரகாம் லிங்கன்’ கப்பலை அச்சுறுத்தும் வகையில் வந்த இந்த ட்ரோனை அமெரிக்க போர் விமானங்கள் சுட்டு வீழ்த்தின. இந்த மோதல் வலுப்பெற்றால், கச்சா எண்ணெய் விலை உயர்ந்து சாதாரண மக்களின் வாழ்வாதாரத்தை கடுமையாக பாதிக்கும் என்ற அச்சம் தற்போது உலகமெங்கும் எழுந்துள்ளது.

அமெரிக்கா தனது ராணுவ நடவடிக்கைகளை நிறுத்தாவிட்டால் மத்திய கிழக்கு நாடுகள் முழுவதும் போர் வெடிக்கும் என்று ஈரானின் உயர்மட்ட தலைவர் எச்சரித்துள்ளார். இந்த சூழல் சர்வதேச வர்த்தக பாதைகளை முடக்கி, விலைவாசி உயர்வுக்கு வழிவகுக்கும் என்பதால் உலக நாடுகள் கவலையில் உள்ளன. இரு நாடுகளுக்கும் இடையிலான இந்த மோதல் போக்கு, ஒரு நிச்சயமற்ற பொருளாதார நெருக்கடியை நோக்கி உலகைத் தள்ளிக் கொண்டிருக்கிறது.