புதுச்சேரி பாஜக வேட்பாளர் ஜான்குமார், தான் இந்தத் தேர்தலில் வெற்றி பெறாவிட்டால் நாட்டை விட்டே சென்று விடுவதாக ஆவேசமாகத் தெரிவித்துள்ளார். தொகுதி விற்பனை தொடர்பான திமுக வேட்பாளரின் புகார்களுக்குப் பதிலடி கொடுத்த அவர், மே 4-ம் தேதி தேர்தல் முடிவுகள் உண்மையை வெளிப்படுத்தும் என்று சவால் விடுத்துள்ளார்.

பாஜக மாநிலத் தலைவர் வி.பி. ராமலிங்கம் பேசுகையில், கொள்கையற்ற இந்தியா கூட்டணி புதுச்சேரியில் குழப்பத்தில் உள்ளதாகக் குறிப்பிட்டார். ஏப்ரல் 3-ம் தேதி பிரதமர் மோடி புதுச்சேரிக்கு வரவுள்ள நிலையில், முதல்வர் ரங்கசாமி தனது தொகுதிக்கு பிரச்சாரத்திற்கு வருவார் என்றும் ஜான்குமார் நம்பிக்கை தெரிவித்தார்.