தமிழக தேர்தல் களம் சூடுபிடித்துள்ள நிலையில் திமுக கூட்டணியில் காங்கிரஸ் மற்றும் தேமுதிக ஆகிய கட்சிகளுடனான தொகுதி பங்கீட்டில் திடீர் முட்டுக்கட்டை ஏற்பட்டுள்ளது. குறிப்பாக ரிஷிவந்தியம் மற்றும் விழுப்புரம் உள்ளிட்ட முக்கிய தொகுதிகளை ஒதுக்கீடு செய்வதில் இழுபறி நீடிப்பதால் அண்ணா அறிவாலயம் இன்று காலை முதலே பரபரப்பாக காணப்படுகிறது.

தனது அரசியல் செல்வாக்கை நிலைநாட்ட அமைச்சர் பொன்முடி சில தொகுதிகளை தேமுதிகவிற்கு தள்ளிவிட திரைமறைவு வேலைகளில் ஈடுபட்டுள்ளதாக கூறப்படுகிறது. அதேசமயம் சிட்டிங் எம்.எல்.ஏ-க்கள் பிடிவாதம் காட்டுவதால் வேட்பாளர் பட்டியலை இறுதி செய்வதில் முதல்வர் ஸ்டாலின் தீவிர ஆலோசனை நடத்தி வருகிறார். இன்று மாலைக்குள் இந்த சிக்கல்களுக்கு தீர்வு கிடைக்குமா என்ற எதிர்பார்ப்பு எழுந்துள்ளது.