காய்ச்சல் காரணமாக டெல்லி கங்கா ராம் மருத்துவமனையில் அனுமதிக்கப்பட்ட காங்கிரஸ் மூத்த தலைவர் சோனியா காந்தியின் உடல்நிலை தற்போது சீராக உள்ளது. கடந்த செவ்வாய்க்கிழமை இரவு அனுமதிக்கப்பட்ட அவருக்குத் தொற்று பாதிப்பைக் குறைக்க ஆன்ட்டி பயாடிக் சிகிச்சைகள் அளிக்கப்பட்டு வருகின்றன.

மருத்துவமனைத் தலைவர் டாக்டர் அஜய் ஸ்வரூப் கூறுகையில், சோனியா காந்தி சிகிச்சைக்குச் சிறப்பாக ஒத்துழைப்பதாகத் தெரிவித்தார். மூத்த மருத்துவர்கள் குழு அவரது முன்னேற்றத்தை உன்னிப்பாகக் கண்காணித்து வருவதால் தொண்டர்கள் நிம்மதியடைந்துள்ளனர்.