தமிழக வெற்றிக் கழக பெண் தொண்டர்களை அவதூறாகப் பேசிய அப்துல் கலாமின் முன்னாள் உதவியாளர் பொன்ராஜ் மீது நடவடிக்கை கோரி அக்கட்சியின் தலைவர் விஜய் நள்ளிரவில் டிஜிபி அலுவலகத்தில் நேரில் புகார் அளித்தார். நேர்காணல் ஒன்றில் பெண்களின் கண்ணியத்தைச் சீர்குலைக்கும் வகையில் பொன்ராஜ் பயன்படுத்திய வார்த்தைகள் தவெக தொண்டர்களிடையே பெரும் கொந்தளிப்பை ஏற்படுத்தியுள்ளது.

வழக்கமான அறிக்கைகளுடன் நிறுத்தாமல் களத்தில் இறங்கிய விஜய் முறையான சட்ட நடவடிக்கை எடுக்க வலியுறுத்தியுள்ளார். ஆளுங்கட்சியின் ஆதரவால் பொன்ராஜ் இத்தகைய அநாகரிகமான கருத்துகளைப் பரப்புவதாக விஜய்யின் புகார் மனுவில் குறிப்பிடப்பட்டுள்ளது. இந்த விவகாரத்தால் பொன்ராஜ் எந்த நேரத்திலும் கைது செய்யப்படலாம் என எதிர்பார்க்கப்படுகிறது. பெண்களைக் கொச்சைப்படுத்துபவர்களுக்குத் தகுந்த பாடம் புகட்டப்படும் எனத் தவெக நிர்வாகிகள் எச்சரித்துள்ளனர்.