இந்திய ரயில் நிலையங்களில் நாம் காணும் நீலம், சிவப்பு மற்றும் வெள்ளை நிறப் பெட்டிகளுக்குப் பின்னால் சுவாரசியமான காரணங்கள் உள்ளன. வழக்கமான நீல நிறப் பெட்டிகள் பழைய தலைமுறை மெயில் அல்லது எக்ஸ்பிரஸ் ரயில்களைக் குறிக்கின்றன. மாறாக, சிவப்பு நிற எல்எச்பி பெட்டிகள் அதிவேகப் பயணம் மற்றும் கூடுதல் பாதுகாப்பை உறுதி செய்யும் நவீன தொழில்நுட்பத்தால் உருவாக்கப்பட்டவை.

தற்போது வந்தே பாரத் போன்ற ரயில்களில் பயன்படுத்தப்படும் வெள்ளை நிறப் பெட்டிகள் இந்திய ரயில்வேயின் நவீனத்துவத்தைப் பறைசாற்றுகின்றன. இருப்பினும் ரயிலின் நிறம் மட்டுமே அதன் வேகத்தைத் தீர்மானிப்பதில்லை. காலப்போக்கில் ரயில் பெட்டிகளின் வடிவமைப்பு மற்றும் வசதிகளின் மாற்றத்தைப் பொறுத்தே இந்த நிற வேறுபாடுகள் வகைப்படுத்தப்பட்டுள்ளன என்பது குறிப்பிடத்தக்கது.