ஐபிஎல் 2026 தொடருக்கு முன்னதாக டெல்லி கேபிடல்ஸ் அணியின் நட்சத்திர வேகப்பந்து வீச்சாளர் மிட்செல் ஸ்டார்க் விளையாடுவது குறித்த நிச்சயமற்ற நிலை நீடிக்கிறது. இது குறித்து தனது ஆதங்கத்தை வெளிப்படுத்திய சௌரவ் கங்குலி, ரூ. 11.75 கோடி மதிப்பிலான ஒரு வீரர் கடைசி நேரத்தில் விலகுவது அணியின் சமநிலையை கடுமையாக பாதிக்கும் என்று கூறியுள்ளார். சர்வதேச போட்டிகளை விட ஐபிஎல் போட்டிகளுக்கான அணியைத் தேர்வு செய்வது மிகவும் கடினமானது என்று அவர் டெல்லியில் நடந்த நிகழ்வில் குறிப்பிட்டார்.

ஆஸ்திரேலிய கிரிக்கெட் வாரியத்தின் முடிவிற்காக காத்திருப்பதாக தெரிவித்த கங்குலி, ஸ்டார்க் போன்ற தரமான வீரர்களுக்கு மாற்றாக மற்றொரு வீரரை கண்டறிவது சாத்தியமற்றது என்றார். வீரர்களின் பணிச்சுமை மேலாண்மையை ஏற்றுக்கொண்டாலும், முக்கியமான கட்டத்தில் அவர்கள் விளையாடாதது ஏமாற்றம் அளிப்பதாக அவர் கூறினார். ஸ்டார்க் இல்லாதது டெல்லி அணியின் பந்துவீச்சு வியூகத்தை மாற்றி அமைக்க வேண்டிய கட்டாயத்திற்கு தள்ளியுள்ளது.