தமிழக சட்டமன்ற தேர்தல் 2026-க்கான தொகுதிப் பங்கீட்டில் இந்திய கம்யூனிஸ்ட் கட்சிக்கு 5 தொகுதிகளை திமுக ஒதுக்கியுள்ளது. கடந்த 2021 தேர்தலில் 6 தொகுதிகள் வழங்கப்பட்ட நிலையில், இந்த முறை ஒரு தொகுதி குறைக்கப்பட்டுள்ளது. கூட்டணியில் தேமுதிக மற்றும் மநீம போன்ற புதிய கட்சிகள் இணைந்துள்ளதால், மற்ற தோழமைக் கட்சிகளின் தொகுதிகளிலும் கணிசமான மாற்றங்களை திமுக தலைமை மேற்கொண்டுள்ளது.

இந்தத் தொகுதி குறைப்பு குறித்து பேசிய இந்திய கம்யூனிஸ்ட் கட்சியின் மாநில செயலாளர் வீரபாண்டியன், கூடுதல் கட்சிகள் கூட்டணியில் உள்ளதால் இந்த முடிவை ஏற்றுக்கொண்டதாகத் தெரிவித்தார். காங்கிரஸ் கட்சிக்கு கூடுதல் இடங்கள் கிடைத்துள்ள நிலையில், மதிமுக மற்றும் பிற சிறிய கட்சிகளுக்கான இடங்களும் குறைக்கப்பட்டுள்ளன. தேர்தல் ஆணையம் இன்று அட்டவணையை அறிவிக்கவுள்ள நிலையில், திமுக தனது முக்கிய கூட்டணிக் கட்சிகளுடன் பேச்சுவார்த்தையை நிறைவு செய்துள்ளது.