அமெரிக்கா, இஸ்ரேல் மற்றும் ஈரான் இடையிலான போர் 16-வது நாளை எட்டியுள்ள நிலையில் மோதல் உச்சகட்டத்தை அடைந்துள்ளது. அமெரிக்கப் படைகள் ‘ஆபரேஷன் எபிக் ஃபியூரி’ மூலம் ஈரானின் இராணுவக் கட்டமைப்புகளைத் தகர்த்து வருகின்றன. இதற்குப் பதிலடியாக ஈரான் ஈராக் மற்றும் சவுதி அரேபியாவிலுள்ள அமெரிக்க தளங்கள் மீது ஏவுகணைகளை வீசியுள்ளது. பாக்தாத் தூதரகம் மற்றும் இஸ்ரேலின் ராம்லா நகரிலும் ஈரானிய தாக்குதல்கள் பெரும் பாதிப்பை ஏற்படுத்தியுள்ளன.

இந்தப் போரால் உலகளாவிய எரிபொருள் விநியோகம் முடங்கும் அபாயம் ஏற்பட்டுள்ளது. ஹார்முஸ் ஜலசந்தியை அமெரிக்கா மற்றும் இஸ்ரேலுக்கு ஈரான் தடை செய்துள்ளது. ஈரானின் எண்ணெய் ஏற்றுமதி மையங்கள் மீது கடுமையான தாக்குதல் நடத்தப்படும் என அதிபர் டொனால்ட் டிரம்ப் எச்சரித்துள்ளார். இதற்கிடையில் பிரிட்டனும் இந்த மோதலில் தனது டிரோன்களைப் பயன்படுத்தத் திட்டமிட்டு வருவது போரை மேலும் விரிவுபடுத்தியுள்ளது.