ஈரானின் புதிய உச்ச தலைவர் மொஜ்தபா காமேனி உயிரிழந்திருக்கலாம் அல்லது படுகாயமடைந்திருக்கலாம் என அமெரிக்க அதிபர் டொனால்டு ட்ரம்ப் மற்றும் பாதுகாப்புச் செயலாளர் பீட் ஹெக்ஸெத் சந்தேகம் எழுப்பியிருந்தனர். இந்த நிலையில் ஈரான் வெளியுறவு அமைச்சர் அப்பாஸ் அராக்சி இந்தத் தகவல்களை முற்றிலுமாக மறுத்துள்ளார். உச்ச தலைவர் நலமுடன் இருப்பதாகவும் தனது பணிகளைத் தொடர்ந்து ஆற்றி வருவதாகவும் அவர் திட்டவட்டமாகத் தெரிவித்துள்ளார்.

வெள்ளிக்கிழமை நடந்த தாக்குதலில் மொஜ்தபா காமேனி பாதிக்கப்பட்டதாக அமெரிக்கா தரப்பில் கூறப்பட்ட நிலையில் நேற்று அவர் தனது செய்தியை அனுப்பியதாக ஈரான் தரப்பு விளக்கமளித்துள்ளது. அவர் பொதுவெளியில் தோன்றாதது பல்வேறு ஊகங்களுக்கு வழிவகுத்தாலும் ஈரான் அரசு அவர் பாதுகாப்பாக இருப்பதை உறுதி செய்துள்ளது. இதன் மூலம் நிலவி வந்த சர்வதேச அரசியல் பதற்றம் மேலும் அதிகரித்துள்ளது.