தமிழக அரசியலில் தவெக தலைவர் விஜய் தனித்து விடப்பட்டுள்ளதாக நாம் தமிழர் கட்சியின் ஒருங்கிணைப்பாளர் சீமான் தெரிவித்துள்ளார். ஆட்சியில் பங்கு தருவதாகக் கூறியும் காங்கிரஸ் உள்ளிட்ட எந்தக் கட்சியும் விஜய்யுடன் கூட்டணி அமைக்க முன்வரவில்லை என அவர் காரைக்குடியில் செய்தியாளர்களிடம் கூறினார். கூட்டத்தோடு நிற்பதை விட தனித்து நிற்பதற்கே அதிக துணிச்சல் தேவை என்றும் அவர் இதன்போது சுட்டிக்காட்டினார்.

திமுக கூட்டணியில் காங்கிரஸ் நீடிப்பது உறுதியானதால் விஜய்யின் கூட்டணி முயற்சி பின்னடைவைச் சந்தித்துள்ளதாகக் கருதப்படுகிறது. தற்போதைய சூழலில் விஜய் தேசிய ஜனநாயகக் கூட்டணியில் இணையக்கூடும் என சமூக வலைதளங்களில் தகவல்கள் பரவி வருகின்றன. எவ்வித ஆதரவும் இன்றி விஜய் சந்திக்கவுள்ள இந்த அரசியல் சவால் தற்போது பெரும் எதிர்பார்ப்பை ஏற்படுத்தியுள்ளது.