சென்னை விமான நிலையத்தில் தமிழக வெற்றிக் கழகத் தலைவர் விஜய் மற்றும் ஆதவ் அர்ஜுன் ஆகியோரின் பைகளில் மதுபாட்டில் மற்றும் கத்தரிக்கோல் இருந்ததாகப் பரவிய செய்திகளை அக்கட்சியின் இணைப் பொதுச் செயலாளர் நிர்மல் குமார் திட்டவட்டமாக மறுத்துள்ளார். ஆதவ் அர்ஜுன் வைத்திருந்தது மதுபாட்டில் அல்ல, அது ஒரு விலை உயர்ந்த வாசனை திரவிய பாட்டில் என்று அவர் விளக்கமளித்துள்ளார்.

பாதுகாப்பு சோதனையின் போது அந்த வாசனை திரவிய பாட்டிலின் வடிவம் மதுபாட்டில் போல் இருந்ததால் தேவையற்ற குழப்பம் விளைவிக்கப்பட்டதாக நிர்மல் குமார் தெரிவித்தார். அரசியல் ஆதாயத்திற்காக சிலர் திட்டமிட்டு இத்தகைய அவதூறுகளைப் பரப்புவதாகவும், தங்களின் டெல்லி பயணம் தடையின்றி நடந்ததாகவும் அவர் செய்தியாளர்களிடம் உறுதிபடத் தெரிவித்தார்.