பிரதமர் நரேந்திர மோடி மற்றும் ஈரான் அதிபர் இடையிலான முக்கிய பேச்சுவார்த்தையைத் தொடர்ந்து, ஹார்முஸ் ஜலசந்தியில் இந்திய எல்பிஜி கப்பல்களின் பாதுகாப்பு உறுதி செய்யப்பட்டுள்ளது. வெள்ளிக்கிழமை ஈரானில் இருந்து புறப்பட்ட எல்பிஜி கப்பல் எவ்வித தடையும் இன்றி இந்த முக்கிய கடல் பகுதியை கடந்தது. இரு நாட்டு ராஜதந்திர ரீதியான நடவடிக்கைகளுக்குப் பிறகு இந்த முன்னேற்றம் ஏற்பட்டுள்ளதால் எரிசக்தி இறக்குமதியில் பெரும் நிம்மதி ஏற்பட்டுள்ளது.

ஈரானுக்கான இந்திய தூதர் நிலைமையை தொடர்ந்து கண்காணித்து வருவதாக தெரிவித்துள்ளார். முதல் கப்பல் பாதுகாப்பாக பயணித்ததைத் தொடர்ந்து, மற்றொரு எல்பிஜி கப்பலும் விரைவில் இதே பாதையில் இந்தியாவிற்கு வரத் தயாராகி வருகிறது. தற்போதைய சூழலில் இந்தியாவின் எரிசக்தி பாதுகாப்பை உறுதி செய்வதில் இந்த ராஜதந்திர நடவடிக்கை மிகவும் சாதகமான ஒன்றாக பார்க்கப்படுகிறது.