ஈரான் மற்றும் இஸ்ரேல் இடையே பதற்றம் அதிகரித்து வரும் நிலையில், இந்திய வணிகக் கப்பல்கள் ஹார்முஸ் நீரிணை வழியாக தடையின்றி செல்வதற்கு ஈரான் சாதகமான சிக்னலை வழங்கியுள்ளது. இந்தியாவிற்கான ஈரான் தூதர் முகமது ஃபதாலி, இந்தியாவை ஒரு ‘நட்பு நாடு’ என்று குறிப்பிட்டு, இந்த முக்கியமான கடல் பாதையில் இந்தியக் கப்பல்களின் பாதுகாப்பை உறுதி செய்ய விரைவில் சாதகமான சூழல் உருவாக்கப்படும் என்று தெரிவித்தார்.

உலகின் பரபரப்பான எண்ணெய் போக்குவரத்து பாதையான இங்கு, இந்தியாவின் எரிசக்தி பாதுகாப்பிற்கு இந்த உறுதிமொழி மிக முக்கியமானது. கடினமான காலங்களில் இந்தியா வழங்கிய ஆதரவை ஈரான் மறக்கவில்லை என்று தூதர் கூறினார். இந்த இராஜதந்திர நகர்வு, போர் மேகங்கள் சூழ்ந்திருக்கும் நிலையிலும் இந்திய வர்த்தகக் கப்பல்கள் பாதுகாப்பாக பயணிக்கவும் மற்றும் நாட்டின் பொருளாதார ஸ்திரத்தன்மையை காக்கவும் பெரிதும் உதவும் என எதிர்பார்க்கப்படுகிறது.