சர்வதேச பதற்றம் காரணமாக சமையல் எரிவாயு தட்டுப்பாடு ஏற்பட்டுள்ளதால், அயோத்தியில் பக்தர்களுக்கு இலவச உணவு வழங்கும் ‘ராம்கி ரசோய்’ மையம் மூடப்பட்டுள்ளது. அமெரிக்கா மற்றும் ஈரான் இடையிலான மோதலால் எல்பிஜி சிலிண்டர் விநியோகம் பாதிக்கப்பட்டுள்ளதாக நிர்வாகம் தெரிவித்துள்ளது. சுதந்திரத்திற்குப் பிறகு முதல்முறையாக இந்த சமையல் கூடம் மூடப்பட்டதால், ராம்கோவிலுக்கு வரும் பக்தர்கள் பெரும் சிரமத்திற்கு உள்ளாகியுள்ளனர்.

இந்த விவகாரத்தில் ஆளும் பாஜக அரசுக்கு எதிராக சமாஜ்வாதி கட்சி கடும் கண்டனம் தெரிவித்துள்ளது. எரிவாயு தட்டுப்பாட்டை போக்கி, வரும் மார்ச் 15-ஆம் தேதிக்குள் உணவு மையத்தை மீண்டும் திறக்க வேண்டும் என்று அயோத்தி எம்பி அவதேஷ் பிரசாத் வலியுறுத்தியுள்ளார். தவறும் பட்சத்தில், பொதுமக்களின் நலனுக்காகப் பெரிய அளவிலான போராட்டம் மற்றும் தர்ணாவில் ஈடுபடப்போவதாக அவர் எச்சரித்துள்ளார்.