நியூசிலாந்திற்கு எதிரான இந்தியாவின் வரலாற்றுச் சிறப்புமிக்க டி20 உலகக் கோப்பை வெற்றியைத் தொடர்ந்து, பிசிசிஐ வெளியிட்ட ஒரு வீடியோ சமூக வலைதளங்களில் விவாதத்தைக் கிளப்பியுள்ளது. அபிஷேக் சர்மா மற்றும் சஞ்சு சாம்சன் ஆகியோரின் அதிரடி ஆட்டத்தை விட, அந்த வீடியோவில் ஐசிசி தலைவர் ஜெய் ஷா அதிகப்படியான காட்சிகளில் இடம்பெற்றிருப்பது ரசிகர்களிடையே விமர்சனத்திற்கு உள்ளாகியுள்ளது.

வெறும் 38 வினாடிகள் கொண்ட இந்த வீடியோவில் வீரர்களை விட நிர்வாகிகளின் முகமே அதிகம் தெரிவதாக நெட்டிசன்கள் கேலி செய்து வருகின்றனர். மைதானத்தில் சாதித்த வீரர்களின் உழைப்பை விட, தனிநபர் விளம்பரத்திற்கு பிசிசிஐ முக்கியத்துவம் அளிப்பதாகக் கூறி ரசிகர்கள் மீம்ஸ்கள் மற்றும் கிண்டலான கருத்துகளைப் பதிவிட்டு வருகின்றனர்.