மேற்கு ஆசியாவில் அதிகரித்து வரும் பதற்றங்களுக்கு மத்தியில் இந்தியாவிற்கு நிம்மதியளிக்கும் செய்தியை ஈரான் வெளியிட்டுள்ளது. நீண்ட தூதரக பேச்சுவார்த்தைகளுக்குப் பிறகு, ஹார்முஸ் ஜலசந்தி வழியாக இரண்டு இந்திய எண்ணெய் கப்பல்கள் செல்ல ஈரான் அனுமதி அளித்துள்ளது. இந்திய வெளியுறவுத்துறை அமைச்சர் எஸ். ஜெய்சங்கர் மற்றும் ஈரான் வெளியுறவுத்துறை அமைச்சர் அப்பாஸ் அரக்சி ஆகியோருக்கு இடையிலான ஆக்கபூர்வமான கலந்துரையாடலுக்குப் பிறகு இந்த முக்கிய முடிவு எடுக்கப்பட்டுள்ளது.

உலகின் மிக முக்கியமான இந்த கடல்வழிப் பாதையில் கடந்த மார்ச் 11 அன்று முதல் இந்தியக் கப்பல் பாதுகாப்பாகக் கடந்து சென்றது. சவுதி அரேபியாவிலிருந்து 1,35,335 மெட்ரிக் டன் கச்சா எண்ணெயுடன் வந்த ‘ஷென்லாங் சூயஸ்மேக்ஸ்’ கப்பல் மும்பை துறைமுகத்தை வந்தடைந்தது. இந்த நடவடிக்கையின் மூலம் இந்தியாவின் எரிசக்தி பாதுகாப்பு உறுதி செய்யப்படுவதுடன், சர்வதேச சந்தையில் நிலவும் நிச்சயமற்ற சூழலும் குறையும் என்று நிபுணர்கள் கருதுகின்றனர்.