திருச்சியில் இன்று நடைபெறும் என்டிஏ பிரம்மாண்ட பொதுக்கூட்டத்தில் பங்கேற்க பிரதமர் நரேந்திர மோடி வருகை தருகிறார். இதற்காக வைக்கப்பட்ட வரவேற்பு பேனர்களில் கூட்டணி கட்சித் தலைவர்கள் பலரின் படங்கள் இடம் பெற்றுள்ள நிலையில், அதிமுக பொதுச் செயலாளர் எடப்பாடி பழனிசாமியின் படம் மட்டும் விடுபட்டுள்ளது. என்டிஏ கூட்டணியின் முதலமைச்சர் வேட்பாளரின் படம் இல்லாதது அரசியல் வட்டாரத்தில் பெரும் பரபரப்பை ஏற்படுத்தியுள்ளது.

சமீபத்தில் பாஜக தேர்தல் பொறுப்பாளர் பியூஷ் கோயல், எடப்பாடியுடன் ஆலோசனை நடத்திய நிலையில் இந்த குளறுபடி நடந்துள்ளது. திமுகவை எதிர்த்து தீவிர தேர்தல் களம் நிலவும் சூழலில், கூட்டணிக்குள் ஏற்பட்டுள்ள இந்த ஒருங்கிணைப்பு குறைபாடு அதிமுக தொண்டர்களிடையே கடும் கொந்தளிப்பை ஏற்படுத்தியுள்ளது. பிரதமரின் வருகைக்கு முன்னதாக எழுந்துள்ள இந்த விவகாரம் கூட்டணியில் சலசலப்பை உருவாக்கியுள்ளது.