செங்கல்பட்டு மாவட்டம் அத்திவாக்கத்தில் 14 வயது சிறுமிக்கு நேர்ந்த கொடூர சம்பவம் தமிழகத்தையே உலுக்கியுள்ளது. இச்சம்பவம் குறித்து கண்டனம் தெரிவித்துள்ள நயினார் நாகேந்திரன், கடந்த ஐந்து ஆண்டுகளில் குழந்தைகளுக்கு எதிரான போக்சோ குற்றங்கள் அதிகரித்து வருவதாக குற்றம் சாட்டியுள்ளார். இது பெண் குழந்தைகளின் பாதுகாப்பு குறித்த பெரும் அச்சத்தை ஏற்படுத்தியுள்ளது.

மாநிலத்தில் சட்டம்-ஒழுங்கு சீர்குலைந்துள்ளதாக சாடிய அவர், முதல்வர் ஸ்டாலின் இதில் உரிய கவனம் செலுத்துகிறாரா என்ற கேள்வியை எழுப்பியுள்ளார். அரசு விழாக்களில் கவனம் செலுத்துவதை விடுத்து, மக்களின் பாதுகாப்பை உறுதி செய்ய வேண்டும் எனவும், இல்லையெனில் அரசின் மீது மக்கள் வைத்துள்ள நம்பிக்கை முற்றிலும் சிதைந்துவிடும் என்றும் அவர் எச்சரித்துள்ளார்.