திரையில் மந்திரவாதியாகத் தெரிந்த டேனியல் ராட்க்ளிஃப் தனது வாழ்க்கையின் இருண்ட பக்கத்தைப் பகிர்ந்துள்ளார். உலகளாவிய புகழுக்கு மத்தியில் 18 வயதிலேயே அவர் மது மற்றும் சிகரெட் பழக்கத்திற்கு ஆளானார். ரசிகர்கள் தன்னை ஏற்றுக்கொள்வார்கள் என்ற தவறான எண்ணத்தினால் ஏற்பட்ட இந்த பழக்கம் அவரது வாழ்க்கையை நரகமாக்கியதாக அவர் வருத்தத்துடன் தெரிவித்துள்ளார்.

2012 இல் மீண்டும் போதைக்கு அடிமையான அவர் பின்னர் உடற்பயிற்சி மற்றும் ஆரோக்கியமான பழக்கவழக்கங்கள் மூலம் மீண்டு வந்தார். ஹாரி பாட்டர் கதாபாத்திரத்தின் புகழும் அந்த பிம்பத்திலிருந்து வெளியே வர முடியாத அழுத்தமுமே தன்னை போதையை நோக்கி தள்ளியதாக டேனியல் ஒப்புக்கொண்டுள்ளார். தற்போது அவர் போதையிலிருந்து முழுமையாக விடுபட்டு ஆரோக்கியமான வாழ்வை வாழ்ந்து வருகிறார்.