இந்தியாவில் அறிமுகம் செய்யப்பட்டுள்ள இ பாஸ்போர்ட் சேவை வெளிநாட்டுப் பயணங்களின் போது குடியேற்ற சோதனைகளை விரைவுபடுத்த உதவுகிறது. இதில் உள்ள மைக்ரோசிப் மற்றும் ஆர்எஃப்ஐடி தொழில்நுட்பம் பயணியின் பயோமெட்ரிக் தகவல்களைப் பாதுகாப்பதோடு போலி ஆவணங்களைத் தடுக்கிறது. இதன் மூலம் சர்வதேச விமான நிலையங்களில் உள்ள இ கேட் வசதியைப் பயன்படுத்தி பயணிகள் எவ்வித சிரமமுமின்றி பயணிக்க முடியும்.

பாஸ்போர்ட் சேவை திட்டத்தின் இரண்டாம் கட்டத்தின் கீழ் இந்த உலகத்தரம் வாய்ந்த வசதி வழங்கப்படுகிறது. பழைய பாஸ்போர்ட் வைத்திருப்பவர்கள் அதன் காலாவதி தேதி வரை காத்திருக்கலாம், ஆனால் புதிய விண்ணப்பதாரர்களுக்கு இந்த நவீன வசதி கிடைக்கும். தகுந்த சரிபார்ப்பிற்குப் பிறகு இந்த அதிநவீன பாஸ்போர்ட் விண்ணப்பதாரர்களின் வீட்டிற்கே தபால் மூலம் அனுப்பி வைக்கப்படும்.