மத்திய கிழக்கில் பதற்றம் அதிகரித்துள்ள சூழலில் முக்கிய நீர்வழியான ஹார்முஸ் ஜலசந்தியை தன் கட்டுப்பாட்டில் கொண்டுவரப்போவதாக அமெரிக்க அதிபர் டொனால்ட் ட்ரம்ப் எச்சரித்துள்ளார். இதற்கு சில மணி நேரங்களிலேயே ஈரான் கடும் பதிலடி கொடுத்துள்ளது. அமெரிக்கா அல்லது இஸ்ரேலின் தாக்குதல்கள் தொடர்ந்தால் இந்த வழியாக ஒரு சொட்டு எண்ணெய் கூட ஏற்றுமதி செய்ய அனுமதிக்கப்பட மாட்டாது என்று ஈரான் திட்டவட்டமாக அறிவித்துள்ளது.

உலகின் 20 சதவீத எரிசக்தி விநியோகம் இந்த வழியாக நடப்பதால் சர்வதேச அளவில் கவலை எழுந்துள்ளது. இரு நாடுகளின் இந்த பிடிவாதமான போக்கால் உலகப் பொருளாதார நிலைத்தன்மைக்கு பெரும் சவால் ஏற்பட்டுள்ளது. இந்த விநியோகப் பாதை பாதிக்கப்பட்டால் உலகளாவிய எரிசக்தி சந்தையில் கடும் தட்டுப்பாடு ஏற்படும் என நிபுணர்கள் எச்சரிக்கின்றனர்.