ஈரான் மற்றும் அமெரிக்கா இடையிலான மோதல் பத்தாவது நாளை எட்டியுள்ள நிலையில் உலகளவில் பதற்றம் அதிகரித்துள்ளது. போரை விரைவில் முடிவுக்குக் கொண்டுவருமாறு அதிபர் டொனால்ட் டிரம்ப் கோரிக்கை விடுத்துள்ள போதிலும், போரின் முடிவை ஈரான் மட்டுமே தீர்மானிக்கும் என அந்நாட்டு புரட்சிகர இராணுவம் எச்சரித்துள்ளது. இந்த மோதலால் சர்வதேச சந்தையில் கச்சா எண்ணெய் விலை ஒரு பேரலுக்கு 100 டாலரைத் தாண்டியுள்ளது.

ஈரானின் புதிய உச்ச தலைவர் மோஜ்தபா கமேனிக்கு ரஷ்யா ஆதரவு தெரிவித்துள்ள நிலையில் டிரம்ப் கடும் அதிருப்தி வெளியிட்டுள்ளார். ஹார்முஸ் ஜலசந்தியை மூட ஈரான் முயற்சித்தால் 20 மடங்கு வலுவான தாக்குதல் நடத்தப்படும் என அமெரிக்கா எச்சரித்துள்ளது. இரு நாடுகளின் பிடிவாதமான போக்கினால் மத்திய கிழக்கில் போர் மேகங்கள் சூழ்ந்துள்ளதோடு உலகளாவிய எரிசக்தி தட்டுப்பாடும் உருவாகியுள்ளது.